Jedem Gnoom sy Stroom

Waggis.jpgBeesy Zunge kennte jetz behaupte, mir käme hindedryy wie die alti Fasnacht. Dä Zedel doo isch nämlig nid emol vo dr dissjährige, sondern vo dr Fasnach…

Beesy Zunge kennte jetz behaupte, mir käme hindedryy wie die alti Fasnacht. Dä Zedel doo isch nämlig nid emol vo dr dissjährige, sondern vo dr Fasnacht vor eme Joor. Aber är kennt nid aggtueller syy und zeigt, dass d Lälli Clique Alti Garde nid numme scharfsinnigi Beobachter vo dr Politszene sin, sondern dyräggt scho yyber hellseherische Fähigkeite verfyege:

Usschnitt aus ihren Zedel 2015:

Mit dääre Frau im Bundeshuus
stygt d’Schwyz us der Atomkraft uus.
Sii bringt em Parlamänt dr Schmuus,
das setzt uff griene Öko-Pfuus
und kauft, wenn’s knapp wird, denn verstoole.
vo Dytschland „suubere” Stroom us Koole.
Das git e bitzli CO-zwai,
em Doris isch das ainerlai.
Und isch ere blötzlig s ganz nümm ghüür,
denn draimt si still vom Lagerfüür,
und dyttet, linietreu katholisch,
dr Qualm als Weihrauch – rain symbolisch.

Mit schlittle in e neyi Zyt,
und sälli Zyt isch nimme wyt,
wo alles Beesi wird verschwinde,
wo d’Wält dr Drägg wird iiberwinde:
Null Nuklear und Null Chemie,
Null Bangge, Null Demokratie.
Drum: S Volgg befrooge? Soone Saich!
s gmain Volgg isch dumm und biirewaich.
Wär druss kunnt, huucht: „O SOLE MIO”
und’s Doris joodlet: „SOLE IO”.

D’IWB hänn uns ergläärt,
dass sii uf em Eleggtro-Määrt
numme no Bliemli-Strom beziehn,
und dass mir dää halt zahle mien.
Beliebig ka me Strom verdyyre,
der Räschte zahlt me mit de Styyre.
Egal was dur e Stegger schpruudlet,
Atom und Öko zämmepfuudlet:
Mir wänn nur e guet Gwisse poschte,
Das leen mir is au eppis koschte.

So lootse d’Öko-Rappeschpalter
uns zrugg diräggt ins Mittelalter.
Scho doozmool het me näbscht em Byychte
vo schwäre Sinde (und au lyychte)
Vyyl Gäld verlangt al Ytrittsbryys
fir no-n-em Dood ins Paradyys.
Statt fir dä Aberglaube z’schpände
wänn mir an d’Schwyz die Botschaft sände:

Diend d’Energie derzue verwände,
dä Energie-Wänd-Furz z’beände!

Facebooktwitterlinkedinmail

Schreiben Sie einen Kommentar

Bitte beachten Sie: Kommentare sind auf 2000 Zeichen begrenzt.